• Skip to primary navigation
  • Skip to content
  • Skip to primary sidebar

Ивил

Онлајн Маркетинг

  • Дома
  • 4 Онлајн Маркетинг Совети
    • Процес на изработка на Онлајн Маркетинг Платформа
  • Контакт

Празна Електронска Продавница

12 November 2014 by Goce Stojanov Leave a Comment

emptyshelfЗа да ги објаснам најдобро 2-те целини кои според мене треба да ги содржи една Електронска Продавница ќе направам споредба со Офлајн Продавница. Во секоја офлајн продавница има рафтови со производи, тоа е првата целина, додека 2-та целина е Продавачот.

Ако направиме пресликување во дигиталниот свет, би требало да ги имаме 2-те целини и во Електронската Продавница.

Што се рафтовите, а што би бил продавачот во оваа апстракција?

Продавачот во дигиталната продавница е „Содржината која ја креираме“, додека рафтовите се производите што ги внесуваме.

Секој кој креирал Електронска Продавница, дали за проба или како негов бизнис, најпрвин се среќава со софтверот кој помага за уредување на рафтовите. Тоа е „Shopping Card“ софтверот. Со негова помош, можеш лесно да ги внесеш сите производи заедно со нивните атрибути, како што се:

  • цена
  • слика за производот
  • боја
  • состав
  • големина итн.

Внесувањето го правиме во администраторскиот дел на овој софтвер, додека производите и нивната поставеност ќе ги видат сите кои ќе пристапат на електронската продавница.

Која е најпознатата електронска продавница во светот?

Мене прво ми текнува на Амазон. На Aмазон се продаваат преку 250 милиони производи. Ова мислам дека е најголемата продавница на светот.

За креирање на содржина најчесто се користат системи кои се специјализирани за оваа намена и ја олеснуваат работата со содржината. Тие системи се нарекуваат на англиски CMS (Content Management Systems), што значи Системи за менаџирање на Содржина.

Каков тип на содржина можеш да креираш?

Можеш да креираш секаков тип на содржина, најпознати типови се Текст (Статии), Слики, Видео, Звук итн. Но, на Веб има многу нови типови на содржина кои можеш да ги употребиш за:

  • да привлечеш нови клиенти
  • да ги запознаеш со своите производи
  • да ги задржиш старите клиенти
  • да ги сегментираш
  • да ги следиш во циклусот на купување

Во оваа статија можеш да прочиташ за голем број на типови на содржина кои можеш да ги употребиш за да го маркетираш својот бизнис.

E-commerce во WordPress

Со основната инсталација на WordPress не можеш да креираш продавница, нели тоа е систем за менаџирање на содржина, во мојот пример тоа би било Продавачот. Но, бидејќи WordPress е модуларен систем за него се направени многу модули или plugins, па така има и модули за креирање на продавница. Најпознат е WooCommerce.

WooCommerce е оној софтвер кој ти е потребен за да ги креираш рафтовите и да ги наредиш производите на рафтовите.

Продавница без Рафтови или со Празни рафтови

Ако влеземе во продавница каде нема рафтови, или пак, има рафтови, но истите се празни, нема што да купиме и брзо ќе излеземе. Исто така, ако нема продавач и нема кој да ни го продаде производот, и оваа продавница е осудена на пропаст.

Значи, за да имаме успешна продавница, потребни се две целини, производи како и Продавач.

Во нашиот пример Онлајн, Продавачот е Содржината која ја креираш со помош на WordPress, додека пак Производите наредени на рафтовите е WooCommerce – Shoping Cart софтверот.

Сега некој ќе праша, па во Веро нема Продавач, сам си ги земам производите, каде е тука Содржината? Значи ли тоа дека има успешна продавница без Содржина, односно, без една целина – Продавачот?

Мојот одоговор е дека и во Веро има Продавачи, но малку е модифициран системот на креирање Содржина. Ако сте ги забележеле промоторките во Сабота и Недела на самиот влез во Веро, на штандовите како вршат презентација на најновите производи, тоа се „Продавачите кои креираат Содржина“.

Но, во секоја друга продавница ве пречекува Продавач со „Повелете“, а вие му одговарате „Само разгледувам“:))

Опис на Производот

Важноста за креирање на производите е голема, тоа според мене е она што би требало да г потикне купувачите да ги купат производите. Но, има мало недоразбирање кое се јавува. Тоа се јавува од можноста на WooCommerce или било кој сличен софтвер да се креира и некоја минимална содржина за производите. Тоа најчесто се прави во делот на:

  • опис на производите или Product Description.

Тука има можност да се внесе по некоја маркетинг порака за производот, но ако ги одвоиме целините CMS, втората Shopping Card, излегува дека ние пробуваме да креираме содржина во погрешен дел, односно во делот каде треба да ги редиме производите на рафтовите.

На овој начин ја губиме моќта на CMS системите и бенефитите од користењето на ваков софтвер за администрирање на содржината. Но, за ова во следната статија.

6 комбинации

Според, едноставниот пластичен пример, за подобро разбирање на Онлајн Продавницата и каде спаѓа креирањето на содржината, а каде влегува делот со производите излегува дека има 6 комбинации:

  1. Лошо нареден Рафт – Нема Продавач
  2. Лошо нареден Рафт – Лош Продавач
  3. Лошо нареден Рафт – Добар Продавач
  4. Добро нареден Рафт – Нема Продавач
  5. Добро нареден Рафт – Лош Продавач
  6. Добро нареден Рафт – Добар Продавач

Поточно постојат 16 комбинации но другите се бесмислени. Кога креираш Електронска Продавница нема опција да искреираш без Рафтови:)) Инаку треба да се стремиш да направиш Електронска Продавница од 6-от тип.

Да разгледаме пример кога нема Продавач:

Овој тип е да креираш Електронска Продавница и само да ги наредиш прозиводите, а да не си свесен дека ти фали еден цел дел, а тоа е Продавач. Да не настане забуна, не велам дека и овој тип на продавница нема да продаде некој производ, особено ако изгледот е ок, и сите производи пажливо се внесени, а во исто време се рекламирани, оптимизирани за пребарувачите итн. Мислам, дека многу повеќе би се продавале доколку поставиш и продавач, а тоа би било содржината која ја креираш за своите производи.  Copywrite маркетинг пораки, Блог статии, Видео презентации, кратки упатства, сведоштва од други корисници, итн.

Вториот е да креираш Електорнска Продавница со двете целини, и да креираш рафтови со прозиводи и да имаш Продавач – Содржина. Ова е здрава основа за добар Успех на твојата Онлајн продавница.

Рафтови

Што би биле рафтоивте пресликани во Онлајн светот? Па тоа се категориите, како ги категоризираш производите, како ги тагуваш, во какви подгрупи ги делиш, навигацијата, менијата, дали лесно се наоѓаат итн. Јасно е дека, ако имаш добра категоризација посетителите лесно ќе ги пронаоѓаат производите итн. На почетокот напоменав, дека на Амазон има над 250 милиони производи. Овде круцијален момент е лесното пронаоѓање на производите, затоа категоризацијата е многу битна.

Прозиводите

Внесување на еден производ во Електронската Продавница не е лесен процес и одзема повеќе време. Овде мислам на правилно внесување. Што значи тоа правилно?

Кога ќе земеме една блуза на пример во Офлајн Продавница, таа има етикета. На неа пишува состав, од кого е произведена, и други атрибути како цена, дали има попуст итн. Исто така, во Офлајн Продавница можеш да ја опипаш, да го почувствуваш материјалот, ако ти се допаѓа да ја пробаш.

Но Оналјн последниве делови не можеш да ги направиш. Но што можеш да направиш? Можеш да ги внесеш сите податоци од етикетата. Можеш да внесеш неколку 4 до 5 слики од сите можни страни во висока резолуција. Да ставиш Зоом за одблиску да може да се види материјалот, да се внесе Опис на прозиводот, да се внесат цените боите величините, достапни, да се внесат количините во магацин, дали е поврзан со други производи , дали го има во различни варијанти итн.

Нормално да се внесат насловите, заглавијата краток, опис, подолг опис, дали има некој поклон со овој производ, Upsell, Cross Sell и ред други работи.

Исто треба да се оптимизира за Пребарувачите, па уште параметри треба да се внесат. Кога ќе се претвори во време, за едне прозивод може најоптимално, доколку се спремни сликите да се потроши време од 30 мин. до 1 саат.

[ois skin=”2″]

Можеш да нé пронајдеш на Facebook, Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Filed Under: Content Marketing, General Marketing Tagged With: ecommerce, Електронска Продавница, Празна Електронска Продавница

Е-мејл Кампања или PPC (Платена реклама)? Со што да започнам?

15 October 2014 by Goce Stojanov Leave a Comment

Е-мејл Кампања или PPC

 

Email Campaign vs PPCДали да започнам со е-мејл кампања, веќе имам листа со повеќе од 2000 корисници или пак да платам реклама на Фејсбук? Што е подобро? Дали да ставам уште е-мејлови на листата или пак да купам листа? Ова е честа недоумица кај многу бизнис луѓе кои сакаат да започнат со Онлајн кампања за нивните производи.

За да одговориме на овие прашања треба да дефинираме 2 типа на е-мејл кампањи (најпрвин започнуваме со е-мејл тип на кампања):

  • Е-мејл кампања базирана на дозвола (Permission Based)
  • Е-мејл кампања без дозвола (Cold Call)

 

Е-мејл Маркетинг, како Функционира?

 

За да започнеш со е-мејл кампања мора да имаш Листа на е-мејл адреси. Е-мејл пораката што сакаш да ја испратиш за своите производи или сервиси, настани, известувања итн., ќе ја испратиш на сите од твојата Листа.

 

Е-мејл кампања базирана на дозвола

 

Првиот тип на Е-мејл кампања кој јас ја препорачувам, е врз основа на дозвола. Што значи тоа? Тоа значи дека членовите на Е-мејл Листата на кого сакаш да ја испратиш пораката имаат претходно одобрено дека сакаат да примаат е-мејл пораки од тебе и доброволно се зачлениле на твојата листа. Исто така тие се согласиле да добиваат одреден тип на содржина во е-мејл пораките, и таков тип на содржина треба да им се испраќа.

За овој тип на е-мејл кампања мора сам да ја изградиш листата на членови. За ова е потребно време и труд, но целата листа на контакти со е-мејлови се или твои потенцијални клиенти или се твои клиенти кои се заинтересирале за твоите продукти и сервиси.

 

Е-мејл кампања без дозвола

 

Вториот тип на е-мејл кампањи подразбира праќање на мејлови на луѓе или фирми кои не се согласиле да примаат мејлови од тебе. Со ваков тип на е-мејл маркетинг треба да се внимава да не се претвори во Спамирање. Сосема во ред е ако еднаш на 3 месеци испратиш мејл на некоја личност, но ако го правиш тоа почесто, лошо ќе влијае на имиџот на твојот бизнис.

Откако ги објаснив двете поголеми групи, односно типови на е-мејл кампања ќе се навратам на почетните прашања.

 

Дали да почнам со е-мејл кампања или да почнам со платена реклама?

 

Ако сакаш да привлечеш нови клиенти, кои до сега не чуле за твоите производи и сервиси, односно, сакаш да досегнеш до поголема публика, со првиот тип на е-мејл кампања нема да можеш тоа да го постигнеш. Затоа што како што кажав претходно, со овој тип на кампања испраќаш е-мејл порака на сите членови од твоја изградена листа

Со вториот тип на е-мејл кампања, веднаш ќе се отворат многу прашања. На пример:

  •  Немам листа на е-мејл адреси, каде можам да пронајдам ваква листа?
  • Набавив листа со 20 000 членови, со која алатка да ги испратам е-мејл пораките?
  • Знам дека има добри Маркетинг алатки, но за толкава листа ќе ми бидат потребни доста средства
  • Ако сега испратам е-мејл на оваа листа, би било Спам ако повторно испратам за 1 или 2 недели
  • Кои се луѓето од листата? Дали се тие од мојот дефиниран Таргет, дали одговараат на мојот Идеален Купувач?
  • Имам листа од 20 000 членови, да не се малку, да не се потребни 50 000?

 

PPC рекламирање

 

За да го зголемиш досегот на една реклама и да дојдеш до добро таргетирана публика кои не се твои корисници и кои не знаат за твоите производи  најдобро решение е да започнеш со онлајн рекламирање како Фејсбук рекламирање или пак Гугл.

Ако ти е цел:

  • Твојот производ да го претставиш на поголем број луѓе кои не се твои корисници
  • Да создадеш свесност за твоите сервиси и услуги или пак за твојата Компанија
  • Да дојдеш до нови потенцијални корисници кои точно одговараат до Карактерот на твојот Купувач

започни со PPC (Pay Per Click) рекламирање. Гугл и Фејсбук имаат огромен број на корисници и овозможуваат детално таргетирање според најразлични интереси на своите корисници. Така лесно може да стигне твојот глас до нив.

 

Како функционира

 

На Гугл се внесува на пример 1 долар дневно и рекламата Гугл ќе ја  прикаже на голем број на негови корисници. Едно прикажување се нарекува импресија. Со 1 долар може да има 2000 импресии или 3000 импресии ( прикажувања) на пример. Ако некој кликне на рекламата Гугл ќе ти одземе средства за тоа. Затоа се вика реклаата PPC или „Плати од клик“.

Едно е јасно, тој што кликнал се заинтересирал за твоите производи и понатаму се редиректира на некоја страна од твојот Вебсајт, каде подетално треба да се запознае со понудата. Значи, тоа е потенцијален твој корисник, член на листа, купувач итн.

Со само неколку долари, рекламата ќе биде прикажана на повеќе од 20000 луѓе, а Гугл ќе ти наплати само за оние кои кликнале на рекламата.

Слично е и на Фесјбук, само што таму се одредува дневен буџет на пример 1 долар и Фејсбук сигурно ќе ти ги земе тие средства, а рекламата ќе ти ја прикаже на голем број на нивни корисници.

Јасно дека буџетот за рекламирање го одредуваш сам, минималниот буџет е 1$ дневно, односно 30$ месечно.

 

Кога да испратам Е-мејл кампања базирана на дозвола?

 

Во споредба со PPC, ако ти е цел:

  • Да ги известиш постоечките твои корисници за најновиот твој настан
  • Да ја споделиш твојата најнова статија со сите твои членови
  • Најновата промоција да им ја претставиш на твоите лојални членови
  • На потенцијалните клиенти, со серија од е-мејл пораки да ги натераш да станат твои клиенти
  • На еден сегмент од твоите корисници да ги известиш за најновата понуда за одреден производ

Во овој случај креирај Е-мејл кампања од првиот тип, базирана на дозвола на членовите од една од твоите Листи кои сам си ги изградил.

 

Кога да испратам Е-мејл кампања без дозвола?

 

И за крај ако сакаш да го искористиш вториот тип на Е-мејл Кампања (Cold Call) со цел:

  • Да се претставиш за прв пат на одредена целна група
  • Да известиш дел од Бизнисите за твојата понуда и дека започнуваш со најнов проект кој ќе внесе бенефит во некој сектор
  • Да испратиш промотивен мејл директно до одредена целна група со цел да ги потсетиш за бенефитите на  твоите производи и сервиси

Во овие случаи можеш да го искористиш вториот тип на Е-мејл Кампања, но секако претпазливо за да не го нарушиш твојот углед и угледот на твојот Бизнис.

[ois skin=”2″]

Се надевам дека според овој водич, сега лесно и брзо ќе се одлучиш да преземеш акција и да започнеш со Е-мејл кампања или пак Платена Онлајн Реклама. Ние сме тука за помош и совет за како да го направиш тоа на најдобар начин.

Можеш да нé пронајдеш на Facebook, Twitter, G+.

[avatar user=”ivildev” align=”left”]Author Goce Stojanov

Сподели ја статијата:

Filed Under: Email Marketing, Online Advertising Tagged With: Cold Call Email Marketing, email campaign, Permission Based Email Marketing, ppc campaign, PPC рекламирање, Е-мејл кампања базирана на дозвола, Е-мејл кампања без дозвола

8 типа на Фејсбук Цели кои можеш да ги одбереш за следната твоја Кампања

10 September 2014 by Goce Stojanov Leave a Comment

Facebook ObjectivesНа Фејсбук можеш да се рекламираш на точно оние луѓе со кои сакаш да се поврзеш. При рекламирањето дефинираш буџет и забавата може да почне. За да биде поинтересно Фејсбук има креирано пријатна околина да следиш како се трошат твоите пари :).

Шала на страна, преку менаџерот за реклами можеш да следиш како ти иде со рекламирањето, така што ако ги исполнуваш зададените цели можеш да продолжиш со инвестирањето во рекламирањето кое може да ти донесе голем успех.

Фејсбук Цели на Рекламата

 

Најпрвин треба да одлучиш која е твојата цел. Што е цел? Тоа е она што сакаш луѓето да го направат откако ќе ја погледнат твојата реклама. На пример, повеќе лајкови за твојата Фесјбук Страна. Откако ќе ја одбереш целта и креираш реклама за таа цел, резултатите ќе можеш да ги следиш во „Менаџерот за Фејсбук Реклами“. Таму можеш да увидиш дали твојата реклама ги исполнува зададените цели.

Можеш да одбереш од следниве Фејсбук Цели и се појавуваат како опција на самиот почеток при креирање на Фејсбук реклама:

  1. Повеќе посети на твојот Вебнсајт: Да доведуваш посетители кон твојот Вебсајт
  2. Поголема Вебсајт Конверзија: Да промовираш Конверзија за твојот Вебсајт. (За ова е потребно да се внесе Пиксел за Конверзија (JavaScript код) на една од страните на твојот Вебсајт.)
  3. Промоција на Статија од Фејсбук Страната
  4. Повеќе Лајкови на твојата Страна
  5. Инсталација на Апликација: Натерај ги луѓето да ја инсталираат твојата апликација
  6. Ангажирање со апликација: Натерај ги луѓето да ја користат твојата апликација
  7. Креирање на понуда: Креирај понуда за луѓето да ја набават во твојата продавница.
  8. Пријавување за Настан: Зголеми го учеството на твојот Настан

 

Резултати

 

Можеш да ги следиш перформансите во споредба со целите кои си ги избрал во апликацијата на Фејсбук која е бесплатна за користење и следење на Фејсбук кампањите кои ги креираш при рекламирањето „Фејсбук Менаџер за Рекламирање“ во делот Резултати и колоната за „Трошоци“.

Резултати: Колкав е бројот на акции кои резултирале од твојата кампања кои се поврзани со одбраните цели.

Трошоци: Трошокот од секој резултат за целите кои ги одбра. На пример, колку е трошокот од клик, или пак од зададената конверзија.

Сеуште може да се прави кампања од стариот тип каде не мора да одбереш цели, но во Power Editor апликацијата.

На кого ќе се прикаже

 

Според Фејсбук, твојата реклама ќе биде оптимизирана да се прикаже на оние луѓе кои најверојатно би преземале акција. На пример ако направиш кампања да се симне некоја апликација таа ќе се покаже на луѓе од твојата целна група кои најверојатно ќе ја инсталираат апликацијата. Најверојатно, на оние луѓе кои претходно инсталирале многу апликации, јас ова така го сфаќам.

Наплата од Импресии

 

Ако не одбереш во посложените опции, наплаќањето ќе биде од импресии. Односно, секогаш кога ќе се прикаже твојата реклама, наместо од резултат. Ако е така Фејсбук ќе се потруди да ја прикаже на оние луѓе кои најверојатно се најдобри кандидати за да преземат акција со твојата реклама.

Заклучок

 

Фејсбук има огромна публика и може се подетално да се одбере целната група, односно публиката која тебе ти треба. Можеш да започнеш да се рекламираш со малку средства и да видиш како тоа изгледа, пример 1$ дневно.

[ois skin=”BlogPostPageEbook”]

Доколку имаш проблеми, слободно побарај не, ние ќе ти помогнеме за креирање на Фејсбук кампања која ќе биде оптимизирана за исполнување на твоите цели.

Можеш да нé пронајдеш на Facebook, Twitter, G+.

[avatar user=”ivildev” align=”left”]Author Goce Stojanov

Сподели ја статијата:

Filed Under: Online Advertising Tagged With: Facebook Objectives, Фејсбук Цели

Имаш посетители кои само разгледуваат? Прочитај што со нив…

29 August 2014 by Ivana Stojanova 3 Comments

visitor_customerКако што во офлајн светот има луѓе кои само поминуваат покрај излози и разгледуваат, така и твојот Вебсајт има посетители кои само разгледуваат.
Повеќе од посетителите на твојот Вебсајт не се спремни да купат првиот пат кога ќе го посетат твојот Вебсајт. Особено, ако во прашање се скапи производи или решенија, или се работи за бизнис понуди, каде циклус на купување е долг и сложен и бара повеќе одлуки.

70% од твоите посетители ќе купат од тебе или од твојата конкуренција. Само 5% од нив се спремни да купат веднаш. Што треба да направиш со другите 65%?

Шансите да те заборават и да отидат кај конкуренцијата, кога ќе дојде време да купат, се големи, освен ако не ги потсетуваш што можеш ти да направиш за нив и како можеш да им го решиш проблемот кој го имаат.

Ако спроведуваш ефективна онлајн маркетинг стратегија и ги потсетуваш на тебе, голем дел од нив ќе купат од кај тебе во иднина.

Ако ги ангажираш посетителите и откога ќе го напуштат твојот Вебсајт, со тоа што ќе им понудиш корисна содржина, ги зголемуваш шансите да се вратат кај тебе кога ќе бидат подготвени да купат. На овој начин, наместо да изгубиш потенцијален корисник, ќе останеш поврзан со него, ќе те запамти и ќе може да изградите квалитетен однос базиран на вредности.

Како да комуницираш и како да негуваш однос со нив кој на крај ќе резултира со продажба? Кој маркетинг метод да го користиш?

Дај му на посетителот вредна содржина од која ќе има корист, дури и ако тој никогаш не стане твој корисник.

  • Докажан начин кој најчесто се користи е е-мејл маркетинг. Постави форми за зачленување на твојот Вебсајт кои лесно се наоѓаат, секаде каде што им нудиш бесплатна содржина. Сегментирај ги корисниците според содржината која што ги интересира. На тој начин ќе изградиш листи на интересенти, на кои редовно ќе им испраќаш вредна содржина, според нивните интереси. Тие ќе бидат нетрпеливи да ја читаат содржината која им ја испраќаш. На тој начин, ќе изградиш доверба и ќе им помогнеш да те запознаат, две битни работи кои ќе ти помогнат посетителите да посакаат, подоцна, да станат твои клиенти.
  • Покрај тоа, можеш да користиш Маркетинг преку Содржина. Да им нудиш константно нова содржина преку Блог, која ќе ги запознава со проблематики од твојата област, твојот начин на работа и твоите производи и на кој начин може тоа да им помогне. Така, подобро ќе те запознаат и многу е веројатно да најдат решение за некој нивни проблем и да ти станат клиенти.
  • Со Маркетинг преку Социјални медиуми можеш твојот бизнис “да го претвориш во личност” и да го поврзеш со потенцијални корисници кои постојано ќе ги потсетуваш дека си тука присутен. Тие ќе можат да комуницираат со тебе, кога и да им треба тоа и на тој начин да изградиш однос на база на доверба. Така, кога ќе дојде времето да се одлучат да купат, секако дека ќе ги имаат во предвид твоите производи или сервиси.

Но, не заборавај дека крајната цел е да ги продадеш твоите производи или сервиси. Не се плаши да продаваш на твојата листа. Веќе си им дал вредна бесплатна содржина. Ако на некого не му се допаѓа тоа што вклучуваш продажни пораки дозволи му да го откаже членството или да престане да те следи.
Подобро е да имаш помала листа со корисници кои ги ценат твоите продажни пораки и евентуално ќе купат нешто, отколку долга листа која добива квалитетна бесплатна содржина, а е навредена што се обидуваш да продаваш и никогаш нема да купи.

[ois skin=”BlogPostPageEbook”]

Дали ги задржуваш посетителите на твојот Вебсајт? Дали им нудиш бесплатна содржина која им користи?
Напиши во коментари.

Можеш да нé пронајдеш на Facebook, Twitter, G+.

[avatar user=”iviladmin” align=”left”]Author Ivana Stojanova

Сподели ја статијата:

Filed Under: Content Marketing, Email Marketing, Social Media Marketing Tagged With: Content Marketing, email marketing, Inbound marketing, lead nurturing, social media marketing, Дојдовен Маркетинг, е-мејл листа, е-мејл маркетинг, Маркетинг преку содржина, маркетинг преку социјални мрежи, негување на интересенти

Кои се целите и задачите на твојот Вебсајт?

27 August 2014 by Goce Stojanov Leave a Comment

Вебсајт ЦелиЕден од предизвиците кога се изработува Вебсајт е како да го развиеш да комуницира со посетителите: што твојот Вебсајт ќе прави и за кого е наменет.

Ќе заштедиш и време и пари со фокусирање на 2 клучни прашања на самиот почеток на Веб проектот:

  • Каква корист ќе имаат посетителите (корисниците) од твојот Вебсајт?
  • Каква корист ќе има твојот Бизнис од Вебсајтот?

Типична намена на Вебсајт може да биде:

  1. Маркетинг- промовирање на тоа што го работиш или на продукти и сервиси кои ги нудиш
  2. Продажба – продавање на твоите продукти или сервиси
  3. Бизнис поддршка – давање на поддршка на корисниците
  4. Едукација и информирање
  5. Заедница – развивање на форум или заедница

Главно прашање е зошто овој Вебсајт да се направи воопшто?

Немој да гo прескокнеш дефинирањето на целите и задачите на твојот Вебсајт. Многу често луѓето преминуваат директно на креирањето на Вебсајтот.

Целите и задачите треба да се точно определени и треба да опишуваат мерливи акции кои можеш да ги мериш и да вадиш извештаи врз нивна основа.

Бизнис Цели – Што му е потребно на твојот Бизнис?

Најнапред размисли за твоите Бизнис или организациски цели – како твојот Вебсајт ќе му помогне на твојот Бизнис? Дали целта е да продава, информира дава поддршка, промовира, едуцира? Еве примери за бизнис цели:

  • Ние сакаме Вебсајтот да … .продава продукти или сервиси
  • Ние сакаме Вебсајтот да … .го зголеми бројот на потенцијални клиенти
  • Ние сакаме Вебсајтот да … .да ни заштеди пари, со тоа што луѓето ќе го користат нашиот Вебсајт наместо како до сега
  • Ние сакаме Вебсајтот да .. .ги информира луѓето за она што го работиме итн.

Не знаеш што може да се подобри на твојот Вебсајт?

Можеш да нé пронајдеш на Facebook, Twitter, G+.

[avatar user=”ivildev” align=”left”]Author Goce Stojanov

Сподели ја статијата:

Filed Under: Website Goals Tagged With: Бизнис цели на Вебсајт, намена на Вебсајт, цели на Вебсајт, целите и задачите на твојот Вебсајт

Зошто да тестираш иста вебстрана во две варијанти: кој е победникот?

22 August 2014 by Ivana Stojanova Leave a Comment

ab_testing_faceАко сакаш да го зголемиш бројот на конверзии, а не знаеш што треба да промениш на твојот Вебсајт, можеш да тестираш иста вебстрана во две варијанти- со промени на различни елементи (текст, боја, слика, форма за логирање) – и да видиш која дава подобри резултати.

Начини на експериментирање

Првиот начин е А/Б тестирање – односно, креираш 2 страни со единствена промена на елементот за кој сакаш да го направиш тестирањето и потоа ги следиш резултатите. На крај, ќе ја задржиш онаа срана која ќе има подобри резултати, односно, каде што степенот на конверзија е поголем.

Друг начин за тестирање на промени е Тестирање на повеќе варијанти (Multivariate Testing). На овој начин, тестирањето предвидува промена на повеќе елементи одеднаш на страната која сакаш да ја истестираш. Исто како и кај А/Б тестирањето, со следење на резултатите ја одбираш онаа страна кај која степенот на конверзија е поголем.

Вториов начин на тестирање има и предност и недостаток во однос на првиот.
Предноста е дека можеш да промениш повеќе елементи и да ги тестираш и да тестираш два тотално различни дизајни. Но, тоа може да биде и недостаток затоа што нема да знаеш точно која промена влијаела на зголемувањето на конверзијата.
Исто така, може да ти одземе повеќе време да ги направиш промените во однос на тоа да направиш само една промена, и да нема подобрување на степенот на конверзија.

Бенефитите на експериментирањето

Кој од начините и да го одбереш за да тестираш промени за зголемување на конверзијата, целта е на крај да добиеш:

  • подобрување на твојот производ или сервис,
  • зголемување на конверзијата
  • зголемување на приходи од Вебсајтот.

Исто така, нема потреба никоја идеја да ја отфрлаш. Сé може да се истестира. А, важните одлуки за тоа како да изгледаат страните на твојот Вебсајт, ќе ги донесеш врз база на искуството на посетителите, а не на нечиј инстинкт.
ABtesting_gray

Сепак, не треба секогаш да се очекуваат резултати веднаш, туку треба да се остави да помине време до конечната одлука или, пак, да се направат тестирања за истите промени во различни периоди за да се донесе вистински заклучок.
Стратегијата со тестирања не е лесна и може да биде долготраен процес затоа што на почеток може некоја промена да не даде резултати, но на долгорочен план да биде пресудна за развојот на бизнисот Онлајн.

Можеш да нé пронајдеш на Facebook, Twitter, G+.

[avatar user=”iviladmin” align=”left”]Author Ivana Stojanova

Сподели ја статијата:

Filed Under: Analytics, Conversion Rate Optimization Tagged With: A/B or Split Testing, Conversion Rate Optimization, CRO, Multivariate Testing, А/Б тестирање, конверзија, Оптимизација на степенот на конверзија, Тестирање на повеќе варијанти

  • « Previous Page
  • Page 1
  • Page 2
  • Page 3
  • Page 4
  • Page 5
  • …
  • Page 11
  • Next Page »

Primary Sidebar

Статии по теми

  • Analytics (5)
  • API's (4)
  • Content Curation (1)
  • Content Marketing (18)
  • Conversion Rate Optimization (5)
  • Copywriting (2)
  • Email Marketing (10)
  • Facebook Advertising (2)
  • General Marketing (16)
  • Online Advertising (11)
  • Online Tips (44)
  • SEO (8)
  • Social Media Marketing (7)
  • Website Goals (12)

Архива

Tags

A/B or Split Testing blog Boost Post content Content Marketing Conversion Rate Optimization Copywriting CRO customer purchuse funnel design email marketing Google AdWords Google Rang Inbound marketing Multivariate Testing ppc campaign PPC рекламирање Promoted Posts seo social media marketing А/Б тестирање Вебсајт Гугл ранг Дојдовен Маркетинг Карактерот на Купувачот Маркетинг Кампања Маркетинг преку содржина Онлајн Рекламирање Оптимизација на степенот на конверзија Стапка на кликови Стапка на отворени Е-мејл пораки Стапка на откажување на членство Тестирање на повеќе варијанти Фејсбук Фејсбук Рекламирање Циклус на купување е-мејл листа е-мејл маркетинг електронско плаќање конверзија маркетинг преку социјални мрежи привлекување содржина успехот на твојот Вебсајт целна група

Адреса и телефони:

Моб:

(+389) 70 278 871

Ивил Дооел
Петар Поп Арсов 19/1-15 1000, Скопје
Р. Македонија

E-Мејл:

info@ivil.com.mk
goce.stojanov@ivil.com.mk

IVIL

Copyright © 2019 · Genesis Sample on Genesis Framework · WordPress · Log in