Ивил

Онлајн Маркетинг

Social Media Marketing

Сакаш да изградиш свесност за твојот Бренд Онлајн? Еве што треба да направиш најпрвин…

by Leave a Comment

brandawarenessЗа да изградиш свесност за твојот Бренд Онлајн, потребен ти е Вебсајт кој ќе биде централно место за сите твои Онлајн Активности понатака како на пример:

 

 

  • Фејсбук Кампања
  • Е-мејл Кампања
  • Да креираш Содржина
  • Да излегуваш на Гугл во првите 10 резултати
  • Да ги продаваш твоите производи

Овде можеш да прочиташ зошто секој Бизнис треба да има сопствен Вебсајт, но јас повеќе ќе се задржам на следново прашање:

 

Зошто твојот Бизнис Вебсајт е централно место?

 

Затоа што тој е твој, а не е на Фејсбук или Гугл.

 

На твојот Вебсајт имаш потполна слобода да креираш содржина, колку сакаш и каква сакаш.

Ако си влијателен во својата област, ќе можеш да создадеш голема публика. Со неа ќе немаш ограничувања во комуникацијата, затоа што си на свој терен.

Но, ова не единствената причина зошто треба секоја онлајн активност да ја поврзеш со сопствениот Вебсајт.

И Фејсбук и Гугл, платените реклами познати како PPC (Pay Per Click) ги дефинираат како начин да генерираат сообраќај на твојот Вебсајт. Под сообраќај подразбираат посетители, кои откако ќе кликнат на банерот или текстуалната реклама се носат на твојот Вебсајт.

 

Што треба да најдат корисниците на твојот Вебсајт откако кликнале на рекламата?

 

Би требало да ја видат истата понуда од рекламата. Понатаму ако е за производ, треба да има добро напишана маркетинг порака. Да ги има сите потребни информации поврзани со производот и по можност слики, видеа се со цел да се заинтересира  посетителот за нив.

 

А што се случува доколку Вебсајтот не е спремен за Оналјн Кампања?

На овој начин се намалуваат шансите за успешна кампања.

 

Корисниците ќе пристигнат на страница која е непотполна, нема доволно информации, корисникот  нема да знае за што се работи, нема да знае која акција да ја преземе понатаму итн.

Може да потрошиш и многу средства за рекалмирање, да нема добри резултати и да се разочараш дека не функционира Онлајн Светот.

Да прекинеш со рекламирање, сајтот како и претходно да го оставиш нефункционален.

Ако не си сериозен со твојот Бизнис Вебсајт и припремање и на тој дел од Оналјн Кампањата постојано губиш бизнис од компаниите кои го прават тоа, а се твоја директна конкуренција.

[ois skin=”2″]

Можеш да нé пронајдеш на Facebook, Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Имаш посетители кои само разгледуваат? Прочитај што со нив…

by 3 Comments

visitor_customerКако што во офлајн светот има луѓе кои само поминуваат покрај излози и разгледуваат, така и твојот Вебсајт има посетители кои само разгледуваат.
Повеќе од посетителите на твојот Вебсајт не се спремни да купат првиот пат кога ќе го посетат твојот Вебсајт. Особено, ако во прашање се скапи производи или решенија, или се работи за бизнис понуди, каде циклус на купување е долг и сложен и бара повеќе одлуки.

70% од твоите посетители ќе купат од тебе или од твојата конкуренција. Само 5% од нив се спремни да купат веднаш. Што треба да направиш со другите 65%?

Шансите да те заборават и да отидат кај конкуренцијата, кога ќе дојде време да купат, се големи, освен ако не ги потсетуваш што можеш ти да направиш за нив и како можеш да им го решиш проблемот кој го имаат.

Ако спроведуваш ефективна онлајн маркетинг стратегија и ги потсетуваш на тебе, голем дел од нив ќе купат од кај тебе во иднина.

Ако ги ангажираш посетителите и откога ќе го напуштат твојот Вебсајт, со тоа што ќе им понудиш корисна содржина, ги зголемуваш шансите да се вратат кај тебе кога ќе бидат подготвени да купат. На овој начин, наместо да изгубиш потенцијален корисник, ќе останеш поврзан со него, ќе те запамти и ќе може да изградите квалитетен однос базиран на вредности.

Како да комуницираш и како да негуваш однос со нив кој на крај ќе резултира со продажба? Кој маркетинг метод да го користиш?

Дај му на посетителот вредна содржина од која ќе има корист, дури и ако тој никогаш не стане твој корисник.

  • Докажан начин кој најчесто се користи е е-мејл маркетинг. Постави форми за зачленување на твојот Вебсајт кои лесно се наоѓаат, секаде каде што им нудиш бесплатна содржина. Сегментирај ги корисниците според содржината која што ги интересира. На тој начин ќе изградиш листи на интересенти, на кои редовно ќе им испраќаш вредна содржина, според нивните интереси. Тие ќе бидат нетрпеливи да ја читаат содржината која им ја испраќаш. На тој начин, ќе изградиш доверба и ќе им помогнеш да те запознаат, две битни работи кои ќе ти помогнат посетителите да посакаат, подоцна, да станат твои клиенти.
  • Покрај тоа, можеш да користиш Маркетинг преку Содржина. Да им нудиш константно нова содржина преку Блог, која ќе ги запознава со проблематики од твојата област, твојот начин на работа и твоите производи и на кој начин може тоа да им помогне. Така, подобро ќе те запознаат и многу е веројатно да најдат решение за некој нивни проблем и да ти станат клиенти.
  • Со Маркетинг преку Социјални медиуми можеш твојот бизнис “да го претвориш во личност” и да го поврзеш со потенцијални корисници кои постојано ќе ги потсетуваш дека си тука присутен. Тие ќе можат да комуницираат со тебе, кога и да им треба тоа и на тој начин да изградиш однос на база на доверба. Така, кога ќе дојде времето да се одлучат да купат, секако дека ќе ги имаат во предвид твоите производи или сервиси.

Но, не заборавај дека крајната цел е да ги продадеш твоите производи или сервиси. Не се плаши да продаваш на твојата листа. Веќе си им дал вредна бесплатна содржина. Ако на некого не му се допаѓа тоа што вклучуваш продажни пораки дозволи му да го откаже членството или да престане да те следи.
Подобро е да имаш помала листа со корисници кои ги ценат твоите продажни пораки и евентуално ќе купат нешто, отколку долга листа која добива квалитетна бесплатна содржина, а е навредена што се обидуваш да продаваш и никогаш нема да купи.

[ois skin=”BlogPostPageEbook”]

Дали ги задржуваш посетителите на твојот Вебсајт? Дали им нудиш бесплатна содржина која им користи?
Напиши во коментари.

Можеш да нé пронајдеш на Facebook, Twitter, G+.

[avatar user=”iviladmin” align=”left”]Author Ivana Stojanova

Сподели ја статијата:

2 алатки за да го подобриш твојот маркетинг преку Фејсбук

by Leave a Comment

извор: socialmediaexaminer

M

Многу маркетери знаат дека вистинската борба на Фејсбук е во листата на новости “news feed”, а не Фејсбук страната. Многу малку корисници одат директно на Фејсбук страната на некоја компанија, наместо тоа тие вршат интеракција со новостите кои ги следат на својот профил.

Постојат многу апликации кои ја надополнуваат Фејсбук страната, но корисникот треба да ја посети за да има интеракција со неа. На пример, за апликација која организира најдобра фотографија корисникот треба да го напушти профилот за да може да партиципира на натпреварот.

Има апликации кои овозможуваат корисникот да не го напушти својот профил и следејќи ги новостите да може покрај like, share, comment, да се додаде уште некоја ставка. Една од таквите апликации е ActionSprout

Втора алатка

Еден од начините да добиеш поголема публика е да платиш за поголем досег на она што си го постирал.

За твојот маркетинг да биде успешен мора да споделиш нешто што е вредно за читање со своите корисници. Тоа најчесто е текст – статија која покрај тоа што треба да е интересна, треба да им помогне на фановите односно да реши некој нивен проблем.

 

На некој начин Фејсбук ги форсира маркетерите да пишуваат сѐ поквалитетна содржина која ќе се прикажува на голем број на корисници. Што значи дека Фејсбук се залага за „Маркетинг преку Содржина“.

Бидејќи кога ќе објавиш статија таа се прикажува само на мал дел од твоите фанови, Фејсбук има едноставен начин да ја зголемиш таа бројка со плаќање.

Оваа опција се нарекува Boost post.

Цената е различна за секоја земја, таа варира бидејќи и Фејсбук рекламирањето и на Гугл е на принцип на наддавање. Бидејќи кај нас нема толкава конкуренција на пазарот, и цената за рекламирање е ниска и секој Бизнис може да си дозволи да плати за да се прошири неговата идеја, продукт или сервис.

Доколку до сега не си пробал, препорачувам да го направиш уште денес и да ги погледнеш резултатите за својот Бизнис.

Еве оваа статија за некој ден ќе ја бустувам за 5$= 240 ден. и ќе биде прикажана на 20000 профили (во зависност од таргетот).

Нормално, зависи од тоа што го споделуваш дали ќе биде like-увано, коментирано, споделувано. Секој бизнис ќе добие различни резултати и за тоа никој не може да гарантира.

Во некоја друга статија ќе објаснам како можеш да направиш кампања за оние кои веќе го посетиле твојот Вебсајт.

Дали користиш Boost Post? Најпрвин треба да ја одредиш твојата целна група!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Кој е есенцијалниот елемент на ефективниот Онлајн Маркетинг?

by Leave a Comment

Онлајн Маркетинг - CopyWriting
Есенцијален елемент на Ефективниот Онлајн Маркетинг

На англиски би било Copywriting, јас би го превел Текстопишување.

Copywriting е пишување на текст во маркетингшки цели или пак за рекламирање. Овој текст обично ги тера луѓето да преземат некоја акција.

Каде се користи Онлајн

Интернетот само ги зголеми можностите за луѓето кои се занимаваат со оваа професија.

Сѐ што е напишано на Најпознатите Вебсајтови е напишано од луѓе кои се занимаваат со оваа професија, како:

– Целата содржина на еден Вебсајт
– Текстот на Банерите и Онлајн реклaмите
– Текстот во Е-мејл пораките
– Блоговите
– Социјалните медиуми итн.

Ако почнуваш или веќе си започнал некој проект Онлајн, како на пример сопствен Бизнис Вебсајт, Е-мејл Кампања или Фејсбук страна каде постираш статии итн., потребно е да имаш текст кој ќе биде напишан за да ги привлече посетителите.

Погрешен пристап

Најчестата грешка која ја прават Бизнисмените или пак бизнисите кај нас е тоа што не внимаваат многу на текстот кој се пишува на Вебстраните и најчесто сами го пишуваат, а секако дека не се запознаени со тајните на Copywriting-от.

Што е последица на ваквото работење? Последиците се мал одзив на Онлајн кампањите, слаб одзив на статиите кои се постираат, веднаш заминување од Весбајтот.

Значи за ефективен Онлајн Маркетинг основно е јака Маркетинг порака, напишана од луѓе кои се обучени за пишување на такви пораки.

На твоите омилени Странски Вебсајтови целиот текст од копчињата, па се до продажните страни го осмислуваат и пишуваат Тесктописците.

Заклучок

За крај имаш две опции за следната твоја Онлајн активност:

  • Или почни да ги учиш тајните на Copywriting
  • Или најми луѓе кои ќе го напишат целокупниот текст на твојот Весбајт или Онлајн Кампања или Блог, или Статија на Социјална мрежа или Прашалник, или Електронска Книга или Онлајн Продавница, или следната Е-мејл кампања.

За тоа е потребно да му дадеш информации за твојот Бизнис на Текстописецот. Тоа го прават дури и најголемите Бизниси во светот, затоа немој да се плашиш, мораш да потрошиш дел од своето време, но она што ќе го добиеш за возврат ќе го исплати целото одземено време.

 

Доколу сакаш да имаш силна Маркетинг порака за твојот Вебсајт или Онлајн Маркетинг, побарај не, но прво треба да направиш План, и да ги дефинираш своите цели!!!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Како корисниците да го пронајдат твојот Бизнис Онлајн?

by Leave a Comment

placeit_facebook_twitter_linkedinПрво нешто што ќе ти падне на памет е да го отвориш Гугл и да пребараш за некој поим, производ или нешто што те интересира.

Но, покрај Пребарувачите постојат и други Платформи преку кои луѓето можат да се поврзат Онлајн.

Благодарение на Социјалните Мрежи, твоите корисници можат да те пронајдат покрај Гугл и на Фејсбук или пак на Твитер исто како да пребаруваат на Гугл.

Еве кои Социјални Мрежи треба да ги земеш во предвид. Односно кои се брзо растечки мрежи со огромен број на корисници.

Кај нас највеќе е застапен Фејсбук, но, не може да се занемарат и Твитер како и LinkedIn, особено LinkedIn каде можеш да се поврзеш на професионален план.

Фејсбук

На Фејсбук секој Бизнис има една или повеќе бизнис страни и не треба да се игнорира бидејќи веќе бројот на корисници е над 1 милијарда корисници.

Кај нас скоро сите се на Фејсбук.

Фејсбук дава повеќе можности за да го претставиш твојот Бизнис Онлајн. Но највеќе е насочен кон Мракетинг преку Содржина.

Твитер

Твитер заедницата е помала во однос на Фејсбук, но со правилно користење голем дел од Бизнисите можат да го искористат за своите Маркетинг цели.

Треба да се напомене дека секоја Социјална Мрежа има своја публика, која привлекува специфичен тип на луѓе. Како еден вид на друштво :), треба да се вклопиш во тоа друштво.  Треба да пробаш, ако не се пронајдеш можеби треба да искористиш друг канал.

LinkedIn

Популарен е кај Бизнисите. Добар е за да ги претставиш твоите лични способности и знаење. Мислам дека е добар ако сакаш да најдеш работа. Но, за Бизнисите  добар е за поврзување со добавувачи, партнери, крајни корисници, да најдеш работници итн.

 

Сите Социјални Мрежи имаат систем за вреднување, односно сѐ се мери. Колку твоите статии се споделувани, колку се читани, колку се Лајкувани, итн.

Со тоа самите заедници ги издвојуваат оние кои се добри во својата работа. Така што, ако те бива ќе излезеш на површина.

Но, најтешкиот дел кај Бизнисите е вистински да се вклучат во Социјалните Мрежи, поради времето кое е потребно да се потроши, многумина мислат залудно.

Затоа пред да одбереш некој Канал, ако си Бизнис треба да направиш План, и да ги дефинираш своите цели!!!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Зголеми го бројот на препораки со Маркетинг преку Социјални Мрежи

by 2 Comments

placeit_social_marketingСоцијалните мрежи во денешно време се секојдневие и веќе добро си запознаен со влијанието кое го имаат Онлајн. Многу луѓе поминуваат долго време на социјалните мрежи, па маркетерите увиделе можност за интеракција со нив преку Социјалните Мрежи.

Со Маркетинг преку Социјални Мрежи можеш да постигнеш повеќе цели:

  • Да доведеш Сообраќај до твојот Вебсајт
  • Да ја зголемиш Конверзијата
  • Зголемување на Свесноста за твојот Бренд
  • Комуникација и интеракција со твојата публика и друго.

Овој тип на Маркетинг најчесто се концентрира во напорите да се креира содржина која привлекува читатели кои понатака ја споделуваат истата преку социјалните мрежи.

Социјалните мрежи се „ок“ кога се користат да постигнеш конверзација и поттикнеш интерес кај корисниците кои можеш понатака да ги упатиш повторно кон твојата примарна содржина (твојот Блог) и да ги поттикнеш да се зачленат на твојата е-мејл листа.

Не треба ништо посебно да научиш за Маркетинг преку Социјалните мрежи, веќе знаеш, си ги користел:

  • биди пријателски настроен
  • биди корисен и
  • споделувај интересни работи.

Тука не треба премногу да користиш маркетинг. Социјалните медиуми се добро место да се дружиш со твојата публика, да научиш повеќе за нив и нивните потреби и да бидеш интересен. Понудите и Маркетингот користи го повеќе во е-мејл листите и Страниците за Продукти, а не во Социјалните мрежи.

Пред да започнеш со креирање на Маркетинг Кампања за некоја Социјална мрежа, зами ги во предвид и бизнис целите. Стартување на кампања без план е како талкање во шума без мапа и на крај ќе се изгубиш во преводот:)

Креирај план и направи brainstorm за твоите цели:

  • Што сакаш да постигнеш со маркетингот преку Социјални мрежи?
  • Која е твојата публика?
  • Што ги интересира и како ја користат социјалната мрежа?
  • Каква порака сакаш да испратиш кон твојата таргет публика?

Секоја Онлајн активност за да добиеш подобри резултати најпрвин започни ја со План и Анализа!

Која Социјална мрежа ја користиш за твојот Маркетинг? Колку често споделуваш содржина? Дали имаш план за твојот Маркетинг преку Социјалните мрежи? Испрати коментар!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата: