• Skip to primary navigation
  • Skip to main content
  • Skip to primary sidebar

Ивил

Онлајн Маркетинг

  • Дома
  • 4 Онлајн Маркетинг Совети
    • Процес на изработка на Онлајн Маркетинг Платформа
  • Контакт

Analytics

Зошто да тестираш иста вебстрана во две варијанти: кој е победникот?

22 August 2014 by Ivana Stojanova Leave a Comment

ab_testing_faceАко сакаш да го зголемиш бројот на конверзии, а не знаеш што треба да промениш на твојот Вебсајт, можеш да тестираш иста вебстрана во две варијанти- со промени на различни елементи (текст, боја, слика, форма за логирање) – и да видиш која дава подобри резултати.

Начини на експериментирање

Првиот начин е А/Б тестирање – односно, креираш 2 страни со единствена промена на елементот за кој сакаш да го направиш тестирањето и потоа ги следиш резултатите. На крај, ќе ја задржиш онаа срана која ќе има подобри резултати, односно, каде што степенот на конверзија е поголем.

Друг начин за тестирање на промени е Тестирање на повеќе варијанти (Multivariate Testing). На овој начин, тестирањето предвидува промена на повеќе елементи одеднаш на страната која сакаш да ја истестираш. Исто како и кај А/Б тестирањето, со следење на резултатите ја одбираш онаа страна кај која степенот на конверзија е поголем.

Вториов начин на тестирање има и предност и недостаток во однос на првиот.
Предноста е дека можеш да промениш повеќе елементи и да ги тестираш и да тестираш два тотално различни дизајни. Но, тоа може да биде и недостаток затоа што нема да знаеш точно која промена влијаела на зголемувањето на конверзијата.
Исто така, може да ти одземе повеќе време да ги направиш промените во однос на тоа да направиш само една промена, и да нема подобрување на степенот на конверзија.

Бенефитите на експериментирањето

Кој од начините и да го одбереш за да тестираш промени за зголемување на конверзијата, целта е на крај да добиеш:

  • подобрување на твојот производ или сервис,
  • зголемување на конверзијата
  • зголемување на приходи од Вебсајтот.

Исто така, нема потреба никоја идеја да ја отфрлаш. Сé може да се истестира. А, важните одлуки за тоа како да изгледаат страните на твојот Вебсајт, ќе ги донесеш врз база на искуството на посетителите, а не на нечиј инстинкт.
ABtesting_gray

Сепак, не треба секогаш да се очекуваат резултати веднаш, туку треба да се остави да помине време до конечната одлука или, пак, да се направат тестирања за истите промени во различни периоди за да се донесе вистински заклучок.
Стратегијата со тестирања не е лесна и може да биде долготраен процес затоа што на почеток може некоја промена да не даде резултати, но на долгорочен план да биде пресудна за развојот на бизнисот Онлајн.

Можеш да нé пронајдеш на Facebook, Twitter, G+.

[avatar user=”iviladmin” align=”left”]Author Ivana Stojanova

Сподели ја статијата:

Filed Under: Analytics, Conversion Rate Optimization Tagged With: A/B or Split Testing, Conversion Rate Optimization, CRO, Multivariate Testing, А/Б тестирање, конверзија, Оптимизација на степенот на конверзија, Тестирање на повеќе варијанти

Како да дефинираш цели во Google Analytics

17 June 2014 by Goce Stojanov Leave a Comment

[ois skin=”PopUpSkin”]

google_analytics_goalsВо Google Analytics конверзија е комплетирање на некоја активност на твојот Вебсајт која е важна за успехот на твојот Бизнис. Како на пример:

  • Комплетирање на зачленување на твојата е-мејл листа (тип на конверзија: Цел)
  • Нарачка (тип на конверзија – трансакција или ecommerce конверзија)

За да можеш да ги следиш зададените цели во Google Analytics мора да дефинираш конверзија од типот: Цели (Goals).

Оваа е примарна величина за мерење колку добро твојот Вебсајт ги исполнува зададените бизнис цели.

Во Google Analytics ќе можеш да ги видиш процентот на конверзии и бројот на успешни комплетирања за секоја зададена Цел која си ја дефинирал.

Постои можност за дефинирање на цена за секоја Цел, па така ќе можеш да ја видиш и вредноста во пари на секоја од твоите конверзии.

Како се креираат

Во Google Analytics во администраторскиот дел се селектира сметката (account),  па својство (property) па се селектира погледот (view). Во ова мени се селектира цел (Goal).google_analytics_goals

При креирање на целите можеш да одбереш некој готов темплејт што ги нуди Гугл како на пример:

  • Креирање акаунт
  • Комплетирање нарачка
  • Контакт Форма
  • Зачленување
  • Споделување итн.google_analytics_goals_templates

или пак можеш да креираш од почеток нова цел, од нула. Ако одбереш да креираш од почеток ќе забележиш дека има 4 основни типа на цели:

  • Дестинација (пример: Благодарам за регистрацијата – страница)
  • Времетраење (10 мин. на страницата за поддршка)
  • Број на погледнати страни во една сесија (5 страници погледнати во една сесија)
  • Настан (пуштено видео)google_analytics_goals_custom

Ако одбереш дестинација има една интересна опција инка (Funnel), каде можеш да дефинираш патека до дестинацијата, односно можеш да дефинираш 2 или повеќе страници кои ги отворил корисникот за да дојде до дестинационата страница.

Во некоја друга статија ќе видиме како:

  • Се дефинира практично цел од типот дестинација со дефинирање на патека до дестинацијата
  • И дефинирање на цел од типот настан (ова го немам пробано до сега)

 

Дали имаш креирано цели во Google Analytics? Дали воопшто кориситиш софтвер за аналитика за твојот Бизнис Вебсајт? Започни сега!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Filed Under: Analytics, Online Tips, Website Goals Tagged With: google analytics goal, цели во google analytics

Откриј како со помош на Аналитика можеш да ја зголемиш Конверзијата на твојот Вебсајт

27 April 2014 by Goce Stojanov Leave a Comment

placeit_defining_goalsЈас го користам Google Analytics, но секако дека постојат и други аналитички софтвери кои најчесто се комерцијални.

Кој и да го користиш, за да ги мериш резултатите на твојот Бизнис Вебсајт мора најпрвин да зададеш цели и истите да ги мериш.

Основните податоци кои секојдневно се следат како број на посетители и број на погледнaти страни не се доволни за да го измериш ROI.

Успехот на еден Вебсајт е еднаков на бројот на посетители X твојот степен на конверзија.

Како да ја зголемиш Конверзијата

Кога некој случаен посетител ќе го посети твојот Вебсајт и се регистрира на твојата Е-мејл листа си направил една конверзија од посетител во член на е-мејл листа.

Процентот на Конверзија за овој пример можеме да го пресметаме со делење на бројот на посетители кои се зачлениле на листата со вкупниот број на посетители по 100.

Пример: Ако на твојот Вебсајт дошле (од било каде 🙂 ) 100 посетители, од нив 10 се зачлениле на твојата листа тогаш процентот на Конверзија на посетителите во членови на твојата листа е 10%.

Потребата од мерење на овие параметри ја увиделе и во Гугл, па така во Google Analytics можеш да креираш таканаречени Цели (пример за цел: зачленување на твојата е-мејл листа).

Откако ќе креираш некоја Цел на твојот Вебсајт тогаш во Google Analytics во менито за Конверзии можеш да ги анализираш резултатите.

Нормално, подобро е да имаш поголем степен на Конверзија

Со дефинирање на Цели и мерење на резултатите можеш да направиш подобрувања на твојот Вебсајт за да добиеш подобра конверзија.

Дали имаш дефинирано цели во твојот софтвер за Аналитика? Дали воопшто користиш софтвер за Аналитика за твојот Вебсајт? Доколку сакаш заедно да ги дефинираме закажи сесија!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Filed Under: Analytics, Conversion Rate Optimization, Online Tips, Website Goals Tagged With: зголемување на конверзијата, конверзија, успехот на твојот Вебсајт

Како да го измериш успехот на твојот Вебсајт?

25 March 2014 by Goce Stojanov Leave a Comment

placeit_kpiВовед

За да можеш да правиш бизнис одлуки за сите активности Онлајн, треба да имаш алатки за прибирање на податоци од посетителите како Google Analytics  и секако треба да имаш способност за анализа и интерпретирање на тие податоци.

Со овие алатки можеш да:

  • ги воочиш сите начини на интеракција со твоите корисници
  • ја мериш ефективноста на таа интеракција
  • си сигурен дека преземаш акции кои се базирани на податоците кои си ги обработил сѐ со цел да ги подобриш твоите бизнис резултати

Алатките како Гугл Аналитикс ни даваат пристап кон податоците за твојот Вебсајт.
Овие податоци ни кажуваат многу работи за посетителите:

  • нивниот број
  • од каде доаѓаат
  • од каков тип на уред пристапуваат
  • што прават посетителите откако ќе го посетат твојот Бизнис Вебсајт

Акции кои ги презема посетителот

Во зависност од Бизнис целите на Твојот Вебсајт постојат таканаречени клучни акции кои може да ги преземе корисникот на сајтот.

Пример, за Вебсајт која примарна цел му е да продава, таканаречен eCommerce тип на Вебсајт, клучна акција која ја презема корисникот и која укажува на Примарната цел е  нарaчка на сајтот. Ова се „Макро Конверзии“.

Но постојат и Микро Конверзии – акции кои ги преземаат корисниците со кои не се постигнува главната цел, но се сѐ поблиску до неа, како зачленување на е-мејл листа за примање на купони или пак за известување за нови продукти.

Мерење

Со мерење на овие акции можеме постојано да го подобруваме процесот. Тука влегуваат и мерењето, извештаите и анализата.

Најпрвин треба да направиш сопствен план, специфичен за твојот Бизнис. Тоа што е успешно за одреден бизнис не мора да важи за твојот. Значи не можеш туку така да прекопираш нечиј Вебсајт и да мислиш дека ќе успее.

Зошто? Затоа што ниту ги знаеш Бизнис целите на тој одреден Вебсајт ниту пак ги знаеш целите на Вебсајтот, ниту пак знаеш какви перформанси има и колку тој сајт е успешен.

Започни со дефинирање на Бизнис Целите, а врз основа на нив одреди ги  целите на Вебсајтот. Потоа треба да ги дефинираш точките на конверзија и што ќе мериш.

3 чекори за мерење на успехот на твојот Вебсајт

  1. Дефинирање на Бизнис Целите
  2. Дефинирање на Стратегијата и Тактиките за целите.
  3. Избирање на Клучните индикатори за мерење на Перформансите

 

Како пример би разгледале една продавница која продава Офлајн, а има и Онлајн Вебсајт. Продавницата нека е за Скејтери и Скејтерска Опрема:).

Една Стратегија: Продажба на Продукти:

  1. Една од Вебсајт целите би можела да биде да се продаваат истите продукти преку Онлајн Продавница.
  2. Друга би било, бидејќи постои и Офлајн продавница, да ги натера посетителите на Вебсајтот да ја посетат Офлајн продавницата со тоа што ќе им дава корисни информации на Вебсајтот. Значи ова е сосема друга тактика.

Втора Стратегија:  Поттикнување на Клиентите

  1. За да ги запознае своите купувачи со опремата и да се приближи до нив оваа компанија води и сопствен Блог.

kpi
Следен чекор е да ги одредиме „Клучните Индикатори за Перформансите“ за тактиките и целите кои си ги дефинирал. Значи тоа што си го дефинирал како цел треба да можеш некако и да го измериш за да знаеш дали си на добар пат. Тоа се најобични бројки и проценти од ден на ден за да знаеш како му оди на твојот Бизнсис:

  • Ако тактиката ни е да продаваме Онлјан, КИП би било колку приход имаме од продажбата или Просечна цена на нарачка итн.
  • Или пак за втората тактика колку пати посетителите ја посетиле Офлајн продавницата и колку од нив испринтале купони со попуст за купување.
  • Ако се работи за Блогот колку од корисниците споделиле статија итн.

За крај Нормално треба да си зададеш кои ти се Таргетите за овие бројки, за да знаеш дали си на права насока или не.

Дали користиш алатка за аналитика за твојот Вебсајт? Ако користиш дали имаш зададено Индикатори за мерење на неговите перформанси? Испрати коментар!

Можеш да ме пронајдеш на Facebook,  Twitter, G+.
[avatar user=”ivildev” align=”left”]Author Goce Stojanov

Сподели ја статијата:

Filed Under: Analytics, Online Tips Tagged With: kpi, Клучни Индикатори за Перформансите, успехот на твојот Вебсајт

Подобри Резултати за твојот Бизнис Вебсајт со помош на аналитика

18 February 2014 by Goce Stojanov Leave a Comment

placeit_gaАко немаш интегрирано Google Analytics или алатка слична на неа, крајно време е да ја интегрираш!

Со оваа алатка ќе добиваш аналитика за твоите посетители и ќе добиеш целосна слика за твоите бизнис клиенти.

Кога се збори за сообраќај на Вебсајт, се мисли на колку посетители доаѓаат на него. Тој сообраќај со Google Analytics можеш да го анализираш, со тоа подобро ќе дознаеш што прегледуваат највеќе и која патека ја одбираат за да те пронајдат.

Можеш да дознаеш:

  • Кои се твоите посетители
  • Од каде доаѓаат
  • Од каков тип на уред пристапуваат
  • Од која мрежа пристапуваат

Ново:

  • Од кој пол се
  • Кое годиште се (кај мене не функционираат 🙂 )
  • Интереси итн.

Нови опции се додаваат секојдневно и се менува и корисничкиот интерфејс, затоа треба да го инсталираш и ќе се отвори еден нов свет на можности пред тебе.

Оваа алатка има можност да гледаш статистика во одреден период и да гледаш графици. Периодот можеш да го одбереш на дневно ниво, месечно, дури и цела година.

Еден многу битен бенефит е тоа што ќе те ангажира секојдневно да ги подобруваш резултатите кои си ги постигнал претходно.

За посетуваните Вебсајтови добра опција е и аналитиката во Вистинско време.

Интеграција со WordPress

Во WordPress има повеќе модули кои нудат интеграција со Google Analytics, јас го користам оној од

Google Analytics by MonsterInsights

 

Дали и ти за твојот бизнис користиш Google Analytics? Јави се ние ќе ти помогнеме во интеграција.

Можеш да ме пронајдеш на Facebook.

Сподели ја статијата:

Filed Under: Analytics, API's, Online Tips Tagged With: google analytics, аналитика

Primary Sidebar

Статии по теми

  • Analytics (5)
  • API's (4)
  • Content Curation (1)
  • Content Marketing (18)
  • Conversion Rate Optimization (5)
  • Copywriting (2)
  • Email Marketing (10)
  • Facebook Advertising (2)
  • General Marketing (16)
  • Online Advertising (11)
  • Online Tips (44)
  • SEO (8)
  • Social Media Marketing (7)
  • Website Goals (12)

Архива

Tags

A/B or Split Testing blog Boost Post content Content Marketing Conversion Rate Optimization Copywriting CRO customer purchuse funnel design email marketing Google AdWords Google Rang Inbound marketing Multivariate Testing ppc campaign PPC рекламирање Promoted Posts seo social media marketing А/Б тестирање Вебсајт Гугл ранг Дојдовен Маркетинг Карактерот на Купувачот Маркетинг Кампања Маркетинг преку содржина Онлајн Рекламирање Оптимизација на степенот на конверзија Стапка на кликови Стапка на отворени Е-мејл пораки Стапка на откажување на членство Тестирање на повеќе варијанти Фејсбук Фејсбук Рекламирање Циклус на купување е-мејл листа е-мејл маркетинг електронско плаќање конверзија маркетинг преку социјални мрежи привлекување содржина успехот на твојот Вебсајт целна група

Адреса и телефони:

Моб:

(+389) 70 278 871

Ивил Дооел
Петар Поп Арсов 19/1-15 1000, Скопје
Р. Македонија

E-Мејл:

info@ivil.com.mk
goce.stojanov@ivil.com.mk

IVIL

Copyright © 2019 · Genesis Sample on Genesis Framework · WordPress · Log in